Toshkentning Yakkasaroy tumaniga yangi hokim tayinlandi

15.10.2026, 21:56 · 37 marta o‘qilgan
Foto: Toshkent shahri hokimligi

Jumaboyev Akmal Murodovich Yakkasaroy tumani hokimi etib tayinlandi. Bu haqda Toshkent shahar hokimligi matbuot xizmati ma’lum qildi.

Akmal Jumaboyev 1987-yilda Toshkent viloyatida tug‘ilgan. 2011-yilda Toshkent avtomobil-yo‘llar institutini, 2013-yilda esa mazkur institut magistraturasini tamomlagan.

U 2021-yil aprel oyidan buyon Sergeli tumani hokimining moliya, iqtisodiyot va kambag‘allikni qisqartirish masalalari bo‘yicha birinchi o‘rinbosari — tuman iqtisodiyot va moliya bo‘limi boshlig‘i lavozimida ishlab kelgan.

Ushbu lavozimda Akmal Jumaboyev Nilufar Allabergenovaning o‘rnini egalladi. Nilufar Allabergenova 2023-yil oktabr oyida Toshkent shahridagi tuman hokimligiga rahbar etib tayinlangan ilk ayol bo‘lgan edi.

Telegram kanalimizga obuna bo‘lingEng so‘nggi yangiliklar @uzinterfax kanalida
Obuna bo‘lish

Fikr qoldiring

Your email address will not be published.

Yangiliklar Telegramda: @uzinterfax — obuna bo‘ling