IIV: kiberjinoyatlarning 90 foizi chet eldan turib sodir etilmoqda

10.10.2026, 15:40 · 25 marta o‘qilgan
Happy Hacking Keyboard Professional 2
Illyustrativ surat. Surat: Aon fi / Wikimedia Commons, CC BY 3.0

Ichki ishlar vazirligi O‘zbekistondagi kiberjinoyatlarning 90 foizi xorijdan turib sodir etilayotganini ma’lum qildi. Vazir o‘rinbosari Ramazon Ashrapov 7-oktabrdagi murojaatida firibgarlar asosan odamlarning ishonuvchanligi, e’tiborsizligi va past raqamli savodxonligidan foydalanishini aytdi.

Vazirlik quyidagi maslahatlarni berdi: gumonli fayllarni, ayniqsa APK fayllarni, hatto tanish odamdan kelgan bo‘lsa ham, ochmaslik va yuklamaslik; davlat xodimiman deb tanishtirib, kod yoki parol so‘rayotgan notanish qo‘ng‘iroqchilarga ishonmaslik; qisqa vaqtda pulni ko‘paytirib berishga va’da qiladigan platformalardan uzoq turish; onlayn xaridda sotuvchining ishonchliligini tekshirmay oldindan to‘lamaslik; bank kartasining PIN-kodi va telefonga kelgan SMS-kodni hech kimga aytmaslik.

Telegram kanalimizga obuna bo‘lingEng so‘nggi yangiliklar @uzinterfax kanalida
Obuna bo‘lish

Fikr qoldiring

Your email address will not be published.

Yangiliklar Telegramda: @uzinterfax — obuna bo‘ling