O‘zbekiston parlament delegatsiyasi Tanzaniyaning Arusha shahrida o‘tgan Parlamentlararo ittifoqning (PIT) 153-assambleyasida qatnashdi. Assambleyada demokratik institutlarni mustahkamlash, jamoatchilik ishonchini oshirish, teng imkoniyatlarni ta’minlash va iqlim o‘zgarishiga qarshi kurash muhokama qilindi.
Oliy Majlis Senati raisi Tanzila Norboyeva ishtirokchilarni 2026-yil sentyabr oyida Samarqandda o‘tkazilgan Yosh parlamentariylarning XII global konferensiyasi natijalari bilan tanishtirdi. Konferensiya inson huquqlarini global muammolar sharoitida himoya qilish bo‘yicha parlament yechimlari, BMTning «Yoshlar, tinchlik va xavfsizlik» kun tartibi, raqamli platformalarni mas’uliyatli tartibga solish va yoshlarning qaror qabul qilishdagi ishtirokini kengaytirishga bag‘ishlangan edi.
