Texnikumlar qoshida spin-off korxonalar ochiladi: 1 milliard so‘mgacha grant beriladi

10.10.2026, 15:40 · 21 marta o‘qilgan
Workshop with students of Yerevan Brusov State University of Languages and Social Sciences (11)
Illyustrativ surat. Surat: Beko / Wikimedia Commons, CC BY-SA 4.0

Vazirlar Mahkamasining 2026-yil 29-sentyabrdagi 524-sonli qarori davlat texnikumlari qoshida spin-off korxonalar tashkil etish tartibini tasdiqladi. Korxonalar yangi ishlanmalar va startaplar asosida mahsulot ishlab chiqaradi yoki xizmat ko‘rsatadi, talabalar esa amaliy ko‘nikma va ish bilan ta’minlanish uchun jalb qilinadi.

2026-yil oxirigacha Qoraqalpog‘istonda, har bir viloyatda va Toshkent shahrida kamida bittadan namunaviy korxona ochilishi kerak. Ariza Kasb-hunar ta’limi agentligining EMIS PT axborot tizimi orqali beriladi, maxsus komissiya uni 10 kun ichida, zarur bo‘lsa yana 5 kunga uzaytirib ko‘rib chiqadi. Ro‘yxatdan o‘tishda texnikum ustav kapitalining kamida 25 foiziga ega bo‘lishi, davlat ulushi esa besh yil davomida xususiylashtirilmasligi shart.

Startap loyihalar Kasb-hunar ta’limini rivojlantirish jamg‘armasidan 1 milliard so‘mgacha grant olishi mumkin. Grant uchun kamida bitta o‘qituvchi yoki ishlab chiqarish ustasi ishlashi va kamida besh talaba bilan dual ta’lim shartnomalari tuzilishi talab qilinadi. Texnikumlar bo‘sh binolar va yer maydonlarini besh yilgacha bepul foydalanishga bera oladi.

Telegram kanalimizga obuna bo‘lingEng so‘nggi yangiliklar @uzinterfax kanalida
Obuna bo‘lish

Fikr qoldiring

Your email address will not be published.

Yangiliklar Telegramda: @uzinterfax — obuna bo‘ling