Latviya chegara xizmati Belarus bilan chegarada keskinlashgan vaziyat sababli ko‘proq vakolat so‘ramoqda. Euronews xabariga ko‘ra, 5-oktabr kuni 20 muhojirdan iborat guruh vaqtincha zinalar yordamida Latviyaga o‘tgan. Ichki ishlar vaziri Yanis Dombrava guruhni «Latviya askarlariga ochiqdan-ochiq tahdid qilgan qurollangan, niqobli kuzatuvchilar» boshqarganini aytdi. Keyingi soatlarda chegara kuzatuv uskunalari shikastlangan.
Davlat chegara xizmati boshlig‘i Guntis Pujats to‘siqlar vositachilarni yanada tajovuzkor qilganini, ular tosh otishi va qurolga o‘xshash narsalarni ko‘rsatishini bildirdi. Latviya 2021-yildan beri Belarusdan tartibsiz migratsiyaga duch kelmoqda; bu yil Belarus bilan 173 kilometrlik chegara to‘siq bilan o‘ralib, zamonaviy kuzatuv tizimlari o‘rnatildi.
Chegara xizmati Ichki ishlar vazirligiga taklif topshirdi: ayrim hollarda kuch ishlatishdan oldin ogohlantirish talabini bekor qilish, chegara infratuzilmasiga zarar yetkazayotganlarni to‘xtatish uchun barcha vositalardan foydalanishga ruxsat berish. Dombrava taklifni qo‘llab-quvvatladi.
