Erkinjon Turdimov birinchi vitse-premyer va Ta’lim va fan vaziri etib tayinlandi

09.10.2026, 21:40 · 28 marta o‘qilgan
Erkinjon Turdimov birinchi vitse-premyer va Ta’lim va fan vaziri etib tayinlandi
Arxiv surati. Surat: NOC of Uzbekistan / Wikimedia Commons, CC BY 4.0

Sirdaryo viloyati hokimi Erkinjon Turdimov birinchi vitse-premyer — Ta’lim va fan vaziri lavozimiga tayinlandi. Uning nomzodini Oliy Majlis Qonunchilik palatasi ma’qulladi.

3-oktyabrdagi Prezident farmoniga ko‘ra, Maktabgacha va maktab ta’limi vazirligi hamda Oliy ta’lim, fan va innovatsiyalar vazirligi yagona Ta’lim va fan vazirligiga birlashtirildi. Vazirlar Mahkamasida birinchi vitse-premyer — Ta’lim va fan vaziri lavozimi tashkil etilib, ta’lim, fan va sog‘liqni saqlash bo‘yicha kotibiyat ham ta’sis etildi. Vazir o‘z vakolati doirasida vazirliklar, qo‘mitalar, agentliklar va inspeksiyalar rahbarlarini, shuningdek Qoraqalpog‘iston Vazirlar Kengashi raisi va viloyat hamda Toshkent shahri hokimlarini shu sohalarda muvofiqlashtiradi. Ta’lim islohotlarini amalga oshirishni Prezident Administratsiyasi rahbari Saida Mirziyoyeva tashkil etib, nazorat qiladi.

Turdimov 1969-yilda Samarqand viloyati Qo‘shrabot tumanida tug‘ilgan, 1991-yilda Toshkent xalq xo‘jaligi institutini iqtisodchi mutaxassisligi bo‘yicha tamomlagan. 1995–1996-yillarda Zarafshon shahri hokimining iqtisod bo‘yicha o‘rinbosari, 1996–2000-yillarda Milliy bankning Navoiy filiali boshlig‘i, 2000–2008-yillarda Xatirchi tumani hokimi bo‘lgan. So‘ng Navoiy (2008–2016), Surxondaryo (2016–2018) va Samarqand (2018–2024) viloyatlariga hokimlik qilgan, 2025-yil yanvaridan Sirdaryo viloyati hokimi edi.

Rasmiy maqsad — ta’lim, tarbiya va fanning zamonaviy standartlarga javob beradigan yagona tizimini yaratish, ta’lim sifatini oshirish va inson kapitalini rivojlantirish.

Telegram kanalimizga obuna bo‘lingEng so‘nggi yangiliklar @uzinterfax kanalida
Obuna bo‘lish

Fikr qoldiring

Your email address will not be published.

Yangiliklar Telegramda: @uzinterfax — obuna bo‘ling