O‘zbekistonda xizmat ko‘rsatgan jurnalist, hajvchi va yozuvchi Abdurazzoq Obro‘y vafot etdi

21.11.2026, 20:00 · 13 marta o‘qilgan
Yozuv mashinkasi
Foto: Hermann Luyken / Wikimedia Commons, CC0

O‘zbekistonda xizmat ko‘rsatgan jurnalist, hajvchi, shoir va yozuvchi Abdurazzoq Obro‘y (Obro‘yev) 70 yoshida vafot etdi. Bu haqda O‘zbekiston Jurnalistlar uyushmasi xabar berdi.

Abdurazzoq Obro‘y 1956-yil 20-avgustda Samarqand viloyatining Pastdarg‘om tumanida tug‘ilgan. 1985-yilda Moskva davlat universitetining jurnalistika fakultetini tamomlagan. U faoliyati davomida O‘zbekiston Milliy axborot agentligi, “Mushtum” jurnali va “Vatanparvar” gazetasida ishlagan.

Obro‘y ayniqsa hajviy asarlari bilan keng kitobxonlar e’tirofiga sazovor bo‘lgan. Uzoq yillar davomida o‘zbek satirasining an’anaviy maskani bo‘lgan “Mushtum” jurnalida ishlagani uning ijodiy yo‘nalishini belgilab bergan. 2005-yilda unga “O‘zbekiston Respublikasida xizmat ko‘rsatgan jurnalist” faxriy unvoni berilgan.

Ijodkorning “Ho‘plam-to‘plam”, “Bo‘ydoq askar”, “Hiring-hiring”, “Tuxumning qudrati”, “Ayolning qulog‘i”, “Ruxsat bering, she’r o‘qiyman”, “Uch nuqta…”, “Sev, avayla, asra O‘zbekistonni!”, “Men o‘sha o‘r, men o‘sha zo‘rman” kabi kitoblari chop etilgan. Uning ijodi bilan Ziyouz kutubxonasida ham tanishish mumkin.

Jurnalistlar uyushmasi marhumning yaqinlari va hamkasblariga hamdardlik bildirdi. Abdurazzoq Obro‘yning hajviy hikoya va she’rlari o‘zbek jurnalistikasi hamda adabiyotida o‘ziga xos o‘rin egallagan.

Telegram kanalimizga obuna bo‘lingEng so‘nggi yangiliklar @uzinterfax kanalida
Obuna bo‘lish

Fikr qoldiring

Your email address will not be published.

Yangiliklar Telegramda: @uzinterfax — obuna bo‘ling