Oʻzbekistonda oʻqituvchilarga bepul dori-darmon tarqatiladi. Bu haqda Xalq taʼlimi vazirligi matbuot kotibi xabar bermoqda.
Xalq taʼlimi vazirligi va Sogʻliqni saqlash vazirligi umumtaʼlim muassasalarida koronavirus pandemiyasining salbiy oqibatlari, koronavirus infeksiyasi bilan kasallanishini oldini olish va davolash maqsadida barcha oʻqituvchi va xodimlarni gidroksixloroxin xamda sink preparati bilan bepul taʼminlash boʻyicha qaror imzoladi.
Bugungi kunda ushbu preparatlar Sogʻliqni saqlash vazirligi tomonidan umumtaʼlim muassasalarining barcha oʻqituvchi va xodimlariga yetkazib berilishi boshlangan.
