Toshkent va Namanganda koronavirusga chalingan bemorlarning 127 nafari sog‘aydi

Toshkent va Namanganda koronavirusga chalingan bemorlarning 127 nafari sog‘ayib, 3-iyun kuni o‘z uyiga kuzatildi, deb xabar bermoqda SSV matbuot xizmati.

Poytaxtdagi Virusologiya ilmiy-tekshirish instituti klinikasida 17 nafar, Respublika ixtisoslashtirilgan terapiya va tibbiy reabilitatsiya ilmiy-amaliy tibbiyot markazida 4 nafar, shahar 1-son klinik shifoxonasida 101 nafar, Namanganda 5 nafar, jami 127 nafar koronavirus infeksiyasiga chalingan bemor sog‘aygan.

Shunday qilib, ayni paytgacha Toshkent shahri va viloyatida koronavirus infeksiyasidan jami 3747 nafar bemor sog‘aydi.

Namangan viloyatida esa COVID-19’dan tuzalganlar soni 286 nafarga yetdi.

Ayni paytda O‘zbekistonda sog‘ayganlar soni 6161 nafarni tashkil etmoqda. Kasallanganlarning umumiy soni esa O‘zbekistonda 3-iyul soat 10:00 holatiga ko‘ra 9199 nafarga yetdi. Mamlakatda epidemiya boshlanganidan beri jami 27 nafar bemor kasallik asoratlari oqibatida hayotdan ko‘z yumgan.

Fikr bildirish

Your email address will not be published.

Latest from Blog