Sacha Baron Cohen as Borat during "Borat: Cultural Learnings of America For Make Benefit Glorious Nation of Kazakhstan" Premiere - Arrivals at Grauman's Chinese Theater in Hollywood, California, United States. (Photo by Jason Merritt/FilmMagic)

Qozogʻistonda “Borat” filmidagi ibora reklama roliklarida sayyohlarni jalb qilish uchun ishlatildi

//

“Kazakh Tourism” milliy kompaniyasi “Borat: keyingi film” filmi chiqqanidan ikki kun oʻtgach, oʻz sahifalarida reklama kampaniyasi uchun Sasha Baron Koenning qahramoni – qozogʻistonlik jurnalist Borat Sagdiyevning “Very Nice!” (Juda yaxshi) iborasini ishlatgan videoni taqdim etdi.

Videoning tavsifida shunday deyilgan: “Ehtimol, siz bu yer haqida eshitgansiz va bu siz tasavvur qilganingizdan yaxshiroq. Zamonaviy metropoldan bir oz uzoqroq masofada cheksiz dashtlarni, qum va epik togʻ choʻqqilarini qayerdan topishingiz mumkin. Odamlar shunday doʻstonaki bir necha salom-alikdan keyin siz ularning toʻylarida mehmon boʻlishingiz mumkin. Siz bu ajoyib joyni qanday qilib soʻzma-soʻz ikki soʻz bilan tasvirlab bera olasiz? Bir donishmand aytganidek: “Very Nice!“

New York Times gazetasining yozishicha, Olmaotada sayohat byurosini ochgan amerikalik Dennis Kin va uning hamkasbi Ermek Utemisov Kazakh Tourism kompaniyasini ushbu iborani ishlatishga koʻndirishgan. Milliy kompaniya oʻz roziligini berganidan soʻng, ular ushbu gʻoya uchun ixtiyoriy ravishda ishtirok etishdi va reklama tayyorladilar.

Qozogʻistonda 2006-yilda “Borat: Qozogʻistonning ulugʻvor xalqi manfaati uchun Amerika madaniyatini oʻrganish” filmining birinchi qismi chiqarilgandan soʻng, bu “xalqni haqorat qilish” deb hisoblangan. Keyinchalik, oʻsha paytda, mamlakat prezidenti Nursulton Nazarboyev filmga hazil bilan munosabatda boʻlishga chaqirgan va Qozogʻiston tashqi ishlar vaziri Yerjan Kazyxanov “Borat” tufayli Qozogʻistonga sayyohlar oqimi oʻn baravar koʻpayganini maʼlum qilgan.

Filmning ikkinchi qismi, xuddi birinchi qismidek, Qozogʻistonda noaniq reaksiyaga sabab boʻldi. Oʻtgan dam olish kunlari Nur-Sultonda film namoyishiga qarshi miting boʻlib oʻtdi. Avvalroq, 10 mingdan ortiq odam treyler chiqqanidan keyin filmni bekor qilishni talab qilib, onlayn petitsiyaga imzo chekishgan edi.

Qozogʻiston turizm kengashi raisi oʻrinbosari Qayrat Sadvakasov “New York Times” gazetasiga bergan intervyusida premyeradan oldin filmni koʻrmaganligini, ammo videolavhada ishlatilgan shiorga qozogʻistonliklarning munosabatidan xavotirda emasligini aytdi, chunki turizm sohasi aslida oʻz ishini toʻxtatib qoʻydi. Uning soʻzlariga koʻra, ular Koen bilan ishlashni xohlashadi va ehtimol undan Qozogʻistonda film suratga olishlarini soʻrashadi.

Yaqinda Qozogʻiston Tashqi ishlar vazirligi “Borat” filmi tijorat loyihasi ekanligini va film mualliflari rasmiylarning noroziligiga sabab boʻlganligini eʼlon qildi. “Aslida filmda irqchilik va ksenofobiyaning aniq bir shakli bor. Bizning fuqarolarimiz ochiqchasiga irqchilik xurujlaridan haqli ravishda gʻazablanmoqda”, — deya taʼkidlab oʻtdi departament.

Kazakh Tourism 2017-yilda tashkil etilgan va mamlakatning turizm boʻyicha brend menejeri va Madaniyat va sport vazirligining filiali hisoblanadi.

“Borat” filmlari Qozogʻiston fuqarosi Borat Sagdiyevning AQSHga kelib, mahalliy hamjamiyat bilan tanishishi haqida hikoya qiladi. Birinchi film kassalardan 260 million dollardan koʻproq pul ishladi, Baron Koen “Eng yaxshi komediyachi” uchun “Oltin globus” mukofotiga sazovor boʻldi.

Latest from Blog