Jizzaxdagi ayanchli YTH oqibatida ikki kishi vafot etdi

Jizzax viloyati Sharof Rashidov tumani hududidan oʻtgan M-39 avtomobil yoʻlida uchta avtomashina ishtirokidagi YTH oqibatida ikki kishi halok boʻldi, uch nafari esa tibbiyot muassasasiga yotqizildi.

Jizzaxdagi ayanchli YTH-1
IIV huzuridagi Tergov departamenti

9-sentabr kuni Jizzax viloyatida uchta avtomashina ishtirokida sodir etilgan yoʻl transport hodisasi oqibatida ikki kishi vafot etdi. Bu haqda IIV huzuridagi Tergov departamenti xabar berdi.

Maʼlum qilinishicha, 9-sentabr kuni soat taxminan 18:30 da Jizzax viloyati Sharof Rashidov tumani Xayrobod MFY hududidan oʻtgan M-39 avtomobil yoʻli “Toshkent-Samarqand” yoʻnalishining 997-kilometrida Lacetti rusumli avtomashina katta tezlikda harakatlanib, shu yoʻnalishda harakatlanib ketayotgan boshqa bir Lacetti rusumli avtomashinaning chap yon tomoniga urilib, yoʻlni boʻlib turgan beton toʻsiqni buzib oʻtib, qarama-qarshi yoʻnalishda harakatlanib ketayotgan Kia rusumli yuk avtomashinasi bilan toʻqnashgan.

Jizzaxdagi ayanchli YTH-2
IIV huzuridagi Tergov departamenti

Departamentning birlamchi maʼlumotlariga koʻra, katta tezlikda harakatlanib kelgan Lacetti avtomashinasida yongʻin kelib chiqqan, avtomashinada boʻlgan haydovchi va bir nafar yoʻlovchi hodisa joyda vafot etgan, qolgan 3 nafar yoʻlovchilar tibbiy muassasasiga yotqizilgan, ikkinchi Lacetti rusumli avtomashina yoʻl chetida agʻdarilib ketgan, avtomashinada boʻlgan haydovchi va yoʻlovchi tan jarohatlari olmagan, qarama-qarshi yoʻnalishda harakatlanib kelgan Kia yuk avtomashina haydovchisi ham tan jarohatlari olmagan.

Taʼkidlanishicha, hodisa joyida tergov-tezkor guruhi ishlamoqda.

Fikr bildirish

Your email address will not be published.

Latest from Blog