BMT bosh kotibi Antoniu Guterresh O‘zbekistonga qachon kelishi aniq bo‘ldi

BMT bosh kotibi Antoniu Gutterish Markaziy Osiyo mamlakatlari bo‘ylab turnesi doirasida Orolbo‘yi mintaqasida bo‘ladi, deb xabar bermoqda Podrobno nashri Oliy Majlis Qonunchilik palatasi spiker o‘rinbosari Boriy Alixonovga asoslanib.

Foto: UHURUSPIRIT.org

BMTning yangi bosh kotibi iyun oyining birinchi yarmida Markaziy Osiyo mamlakatlari bo‘ylab safarga chiqadi.

«Mendagi ma’lumotlarga ko‘ra, Orol va Orolbo‘yidagi holat bilan tanishiladi. Janob Guterresh ekologik obyektlarga tashrif buyuradi», — degan Alixonov.

BMTning sobiq bosh kotibi Pan Gi Mun 2010-yilning aprel oyida O‘zbekistonda bo‘lgan. O‘shanda u Nukusga tashrif buyurgan va Orol dengizini vertolyotda turib kuzatgan.

Portugaliya sobiq bosh vaziri Antoniu Guterresh 2017-yilning 1-yanvaridan rasman BMT bosh kotibi lavozimiga kirishgan.

Latest from Blog