“Beeline”ning 4G tarmog‘i Nukus, Termiz, Urganch va Xiva shaharlarida ishga tushirildi

Eng yirika aloqa operatori “Beeline” LTE tarmog‘ini kengaytirishda davom etmoqda va 4G Nukus, Termiz, Urganch va Xiva shaharlarida ishga tushirilgani haqida xabar beradi.

“4G standarti mobil Internetning eng faol foydalanuvchilari uchun mo‘ljallangan. Yangi tarmoqda ma’lumotlarni uzatish tezligi aloqaning o‘tgan avlod tarmoqlari tezligidan bir necha barobar tez. Ishonamizki, abonentlarimiz yangi texnologiyaning barcha imkoniyatlarini yaxshi baholaydilar”, — voqeani sharhlaydi “Unitel”ning texnik direktori Yevgeniy Klyuchev.

Eslatib o‘tamiz, bugungi kunda yuqori tezlikdagi 4G Interneti Toshkent, Angren, Andijon, Bekobod, G‘ijduvon, Jizzax, Zarafshon, Qarshi, Qo‘qon, Navoiy, Namangan, Samarqand, Farg‘ona va Chirchiq shaharlarida amal qiladi. Tarmoq  LTE 850 (band 18 va band 5) chastotalarida ishlaydi va xizmat ko‘rsatishning yuqori darajasini ta’minlaydi.  4G tarmog‘ida ishlaydigan moslamalar ro‘yhati bilan https://beeline.uz saytida tanishish mumkin.

Latest from Blog