Prezident Jo Bayden COVID-19 pandemiyasi tugaganini aytdi, biroq AQSHda virus bilan bog‘liq “muammo” hamon borligini tan oldi.
“Bizda hali ham COVID-19 bilan bog‘liq muammo bor. Biz hali ham bu borada qattiq ishlayapmiz. (…) Ammo pandemiya tugadi”, dedi Bayden SBS Nevs telekanaliga bergan intervyusida.
“Agar eʼtibor bergan bo‘lsangiz, hech kim niqob kiymagan. Hamma juda yaxshi holatda. Va shuning uchun men vaziyat o‘zgarmoqda deb o‘ylayman”, dedi u.
O‘tgan hafta Jahon sog‘liqni saqlash tashkiloti Bosh direktori Tedros Adhanom Gebreyesus COVID-19 pandemiyasining tugashi yaqin ekanini aytdi.
“O‘tgan haftada COVID-19 o‘limi haqidagi haftalik xabarlar soni 2020-yil martidan beri eng past ko‘rsatkich bo‘ldi”, dedi Gebreyesus.
Shu bilan birga, The New York Times nashriga ko‘ra, Qo‘shma Shtatlar hali ham COVID-19dan kuniga o‘rtacha 400 dan ortiq o‘limni qayd etmoqda. Pandemiya boshlanganidan beri 1 milliondan ortiq amerikaliklar virusdan vafot etdi.
