Yaponiya dushanba kuni DSN 3 (Kiramaki 3) aloqa sun’iy yo‘ldoshini mamlakatning O‘zini-o‘zi mudofaa kuchlari manfaatlari uchun orbitaga chiqardi, deb xabar berdi Yaponiya aerokosmik tadqiqotlar agentligi (JAXA).
Ushbu uchirish yangi yapon raketasi H3-22S yordamida Kagosima prefekturasidagi Tanegashima kosmodromidan 15:48 da amalga oshirildi. Taxminan 30 daqiqadan so‘ng kosmik apparat orbitaga chiqarildi.
To‘rt tonna og‘irlikdagi sun’iy yo‘ldosh X-toifasidagi qabul qilgichlar bilan jihozlangan bo‘lib, u sun’iy yo‘ldosh radiosi aloqa uchun ishlatiladigan santimetr uzunlikdagi to‘lqinlar spektrida aloqa o‘rnatish imkonini beradi. Ma’lumotlarga ko‘ra, uchirish qiymati 50 million dollar deb baholangan.
H3 — Yaponiya uchun foydali yukni orbitaga chiqarish uchun asosiy raketa- tashuvchisi bo‘lib, JAXA va Mitsubishi Heavy Industries tomonidan ishlab chiqilgan. Bu uning to‘rtinchi uchirishi. H3 raketasi H2A raketasining o‘rnini egalladi. JAXA ma’lumotlariga ko‘ra, H3 foydali yukni quyosh-sinkron orbitaga to‘rt tonnadan ortiq va geosinkron orbitaga sakkiz tonnagacha chiqarish imkoniyatiga ega. Bu H2A raketasi orqali chiqarilishi mumkin bo‘lgan foydali yuk massasi bilan solishtirganda 1,3 barobar ko‘proqdir.
