Xalqaro valyuta jamgʻarmasi Oʻzbekistondagi inflyatsiya prognozini yaxshiladi, deb yozadi “Zakon.kz”.
Hisobotga koʻra, Oʻzbekiston iqtisodiyoti 2023-yilda 5,5 foizga oʻsadi, bu aprel oyida kutilganidan 0,2 foizga yuqori. 2024-yil uchun yalpi ichki mahsulot oʻsishi prognozi oʻzgarishsiz 5,5 foizni tashkil etdi.
Iqtisodiy oʻsish surʼatlari boʻyicha Oʻzbekiston Qozogʻiston, Qirgʻiziston va Turkmanistonni ortda qoldirib, Tojikistondan biroz pastroq.
Yaqin Sharq va butun Markaziy Osiyo mintaqasi uchun yil oxirida YaIM oʻsishi bor-yoʻgʻi 2 foizni tashkil etadi, yaʼni oʻtgan yilgidan ikki barobar koʻp. 2024-yilda 3,4% gacha biroz tezlashishi kutilmoqda.
XVJ ham Oʻzbekistondagi inflyatsiya prognozini yaxshilagan. Shunday qilib, ilgari kutilgan 11,8 foiz oʻrniga joriy yilda inflyatsiya 10,2 foizni tashkil etadi, kelgusi yilda esa 10 foizgacha sekinlashadi.
Shu bilan birga, XVJ Markaziy bankning 2028-yilgacha 5 foizlik inflyatsiyaga erishish maqsadi oson ish boʻlmasligini bashorat qilmoqda.
Bundan tashqari, XVJga koʻra, joriy hisob taqchilligi keyingi ikki yilda 4,3% va 4,6% gacha oshadi. Ushbu koʻrsatkich boʻyicha kutilmalarning yomonlashishi respublikaga transchegaraviy toʻlovlar hajmining kamayishi va tashqi savdo taqchilligining kengayishi bilan bogʻliq boʻlishi mumkin.
