Yosh kinoijodkorlar kengashi O‘zbekiston Yoshlar ittifoqi faoliyati haqida ijtimoiy-badiiy videoroliklar uchun senariylar tanlovini e’lon qildi.Yosh kinoijodkorlar mavzularning biri yoki bir nechtasi yuzasidan ijtimoiy-badiiy videoroliklar uchun senariylarini taqdim etishlari mumkin.
Tanlov mavzulari quyidagilar:
1) Yoshlar o‘rtasida huquqbuzarlik va jinoyatchilikni oldini olish;
2) Yoshlarning innovatsion g‘oyalari – kelajak poydevori;
3) Yosh tadbirkorlarning muvaffaqiyati;
4) Yoshlar o‘rtasida fermerlikni rivojlantirish;
5) Mehnatga yarasha rag‘bat tizimi;
6) Yoshlar ittifoqi a’zolari safiga qo‘shil!;
7) Vatanga qaytib… (xorijdagi muhojir yoshlarning muammolari);
8) Vatanga qaytib… (xorijda tahsil olayotgan va muvaffaqiyatli mehnat qilayotgan yoshlarning Vatanga qaytish istaklari);
9) Yoshlar tinchlik tarafdori (harbiy-vatanparvarlik ruhida);
10) Yosh oilalar muammolari;
11) Sog‘lom turmush tarzi targ‘iboti;
12) Yoshlar o‘rtasida ichki turizmni targ‘ib qilish.
Tanlovga ishtirokchilari senariylarini 2018-yilning 25-yanvariga qadar Yosh kinoijodkorlar kengashi (Toshkent shahri, Muqimiy ko‘chasi, 8-uy, mo‘ljal: Toshkent estrada-sirk kolleji) va info@cinematograf.uz, yosh_kinochi@mail.ru elektron pochtalariga yuborishlari mumkin.
