AQSh prezidenti Donald Tramp mamlakatdagi ommaviy hibsga olishlardan so‘ng Saudiya Arabistoni rahbarlariga bo‘lgan “yuksak ishonchi” haqida ma’lum qildi. Bu haqda “RBK” xabar bermoqda.
“Podshoh Salmon va valiahd shahzodaga ishonchim baland, ular nima qilayotgani biladi. Ular keskin muomala qilganlardan ayrimlari yillar mobaynida mamlakatni ‘sog‘ib’ kelgan!” — deya yozuv qoldirdi Tramp Twitter’dagi sahifasida.
Saudiya Arabistoni podshohi Salmon bin Abdulaziz 4-noyabr kuni korrupsiyaga qarshi kurash to‘g‘risida farmonni imzoladi. Shundan so‘ng Ar-Riyod korrupsiyaga qarshi kurash qo‘mitasi tashabbusi bilan 11 nafar shahzoda, 4 nafar amaldagi va o‘nlab sobiq vazir hibsga olindi. Jami 40 kishi qo‘mita tomonidan korrupsiyada gumon qilinayotgani bildirilmoqda.
