Suriya shimoli-g‘arbidagi Idlib viloyatida so‘nggi kunlarda “Hayyat Tahrir ash-Shom” yirik terrorchilik tashkilotining bir necha qo‘mondonlari o‘ldirildi. Ulardan biri O‘zbekiston fuqarosi bo‘lib chiqdi, deb yozadi “Podrobno.uz”.
Rossiya OAVlari xabarlariga ko‘ra, viloyat g‘arbida terrorchilik guruhining harbiy tayyorgarlik bo‘yicha mutaxassisi, O‘zbekiston fuqarosi Abu Islom Al-O‘zbekiy o‘ldirilgan. U bilan birga tashkilot bosh qo‘mondoni, Misr fuqarosi Abu Bakr Al-Misriy ham yo‘q qilingan. Viloyat janubidagi Balyun shahrida esa dala qo‘mondoni Abu Hamam Al-Turkmaniy o‘ldirilgan.
Qotillik uchun javobgarlikni hech kim o‘z bo‘yniga olgani yo‘q. Voqea haqida xabar bergan guruh matbuot agentligi qotilliklarda Damashq maxfiy agentlarini ayblamoqda.
