Toshkent shahri Sergeli tumani hududida 2017—2019-yillarda zamonaviy ko‘p tarmoqli kompleks barpo etiladi, deb xabar beradi tuman hokimligi axborot xizmati.
Mazkur kompleks Yangi Sergeli ko‘chasida qad rostlaydi. Kompleks savdo va ko‘ngilochar majmuasi, mehmonxona, biznes markazi, ko‘p qavatli avtoturargoh, ko‘p qavatli turar-joy, sport-sog‘lomlashtirish markazi, zamonaviy kutubxona va ishlab chiqarish binolaridan tashkil topadi.
“Ushbu kompleks 2019-yilda foydalanishga topshirilishi rejalashtirilgan bo‘lib, yuzlab yangi ish o‘rinlari yaratiladi va tuman aholisiga qulay xizmat ko‘rsatish obyektiga aylanadi”, — deyiladi xabarda.
