Samarqand viloyati Favqulodda vaziyatlar boshqarmasi navbatchi qismiga Samarqand shahrida istiqomat qiluvchi fuqaro tomonidan qo‘shnisining uyidan tutun hidi chiqayotgani, xonadon ichida 3 nafar voyaga yetmagan bolalarning hayoti xavf ostida qolganligi to‘g‘risidagi murojaat kelib tushdi. Bu haqda Favqulodda vaziyatlar vazirligi matbuot xizmati xabar bermoqda.
Qabul qilingan xabar yuzasidan Samarqand viloyati Favqulodda vaziyatlar boshqarmasining qutqaruvchilari voqea joyiga zudlik bilan yetib keldi.
Olib borilgan tezkor harakatlar natijasida 3 nafar bolalar qutqarildi. Bu orqali yuzaga kelishi mumkin bo‘lgan baxtsiz hodisaning oldi olindi va yong‘in qutqaruvchilar tomonidan bartaraf etildi.
