Professional ringda og‘ir vazn toifasining WBA talqini bo‘yicha sobiq jahon chempioni Ruslan Chagayev klipda suratga tushdi. Bu haqda Sports.uz nashri xabar bermoqda.
U yosh, umidli xonanda Shahlo Ahmedovaning “Qani” deb nomlangan klipida suratga tushgan.
Eslatib o‘tamiz, Ruslan Chagayev havaskorlar o‘rtasida ikki karra jahon chempioni (1997, 2001), havaskorlar boksi og‘ir vazn toifasida Osiyo va jahon chempioni (1998) hisoblanadi.
Professional ringda og‘ir vazn toifasining WBA (2007-2009) chempionlik kamari sohibi. 2014-2016-yillarda ushbu versiyada muntazam jahon chempioni hamda Panaosiyo boks assotsiatsiyasi (RAVA) versiyasi bo‘yicha Osiyo chempionliklarini qo‘lga kiritgan.
U faoliyati davomida 38 ta jang o‘tkazib, 34 g‘alaba (21 nokaut), 3 mag‘lubiyat va 1 durang qayd etgan. 2016-yil 17-oktabrida bokschilik faoliyatiga yakun yasagan.
