Scorpion trilleri uchun tayyorlangan asosiy musiqiy kompozitsiyani Rossiya xalq artisti Valeriya ijro qildi. Kartina mualliflarining so‘zlariga ko‘ra, videoklip 15 noyabr kuni internetga joylashtirildi.
Triller O‘zbekiston, Rossiya va Marokashda suratga olingan. Film treyleri internet tarmog‘ida bir sutka davomida bir million martadan ko‘p ko‘rildi. Blogerlar va internet foydalanuvchilari filmdagi maxsus effektlar, tasvir va ovoz sifatiga yuqori baho berib, uni xalqaro miqyosdagi filmlarga qiyoslashmoqda.
Bunga xorijlik professional kino mutaxassislarini jalb qilish orqali erishilgan. Klip rejissyori Muxlisa Azizova.
Trillerning o‘tkir syujetli kadrlari tasvirlangan klipda film qahramonlari o‘rtasidagi insoniy munosabatlar aks ettiriladi.
