Rossiyaning axborot sohasidagi nazorat organi — “Roskomnadzor” taqiqlangan saytlar reyestriga BlackBerry, Imo va LINE messenjerlarini kiritdi. Ular mamlakat hududida axborot tarqatuvchi sifatida ro‘yxatdan o‘tishdan bosh tortdi.
Ro‘yxatga VChat audiovizual chati ham kiritildi.
Messenjerlar bloklanganini tashkilot vakili Vadim Ampelonskiy tasdiqladi.
Shu bilan birga, yana qaysi messenjerlarga tegishli so‘rov jo‘natilgani hozircha noma’lum bo‘lib qolmoqda.
“Konkret servislarga nisbatan choralar qabul qilinishi asnosida barchasini bilib borasiz”, — ta’kidladi Ampelonskiy.
