Qozog‘iston parlamenti ikki palatasining qo‘shma majlisida deputatlar “Konstitutsiyaga o‘zgartirish va qo‘shimchalar kiritish to‘g‘risida”gi qonun loyihasini birdaniga ikki o‘qishda qabul qildi.
Uni yig‘ilishda qatnashgan barcha 50 senator va 99 nafar parlament deputati bir ovozdan qo‘llab-quvvatladi.
To‘plamga yetti yillik prezidentlik muddati, keyinchalik qayta saylanish huquqisiz, shuningdek, mamlakat poytaxti nomini Nur-Sultondan Ostonaga o‘zgartirish to‘g‘risidagi tuzatishlar kiritilgan.
Qonun loyihasini deputatlarga Adliya vaziri Kanat Musin taqdim etdi. Poytaxtga avvalgi nomini qaytarish masalasiga to‘xtalar ekan, u shuni taʼkidladi: “Poytaxt nomini o‘zgartirish masalasi jamiyat tomonidan anchadan beri muhokama qilinmoqda (…), shu sababli jamoatchilik fikrini inobatga olgan holda ushbu taklif qonun loyihasiga kiritilgan edi”.
Parlament tomonidan qabul qilingan qonun endi imzolash uchun Prezidentga yuboriladi.
