Qirgʻiziston Norin daryosining yuqori oʻzanida qurilishi rejalashtirilgan GESlar kaskadi uchun yangi investorlarni topdi, deb xabar qildi jurnalistlarga Almazbek Atambayev.
Foto: Minval.az
“Biz Norin daryosining ustki qismida qurildigan GESlar uchun investor topdik. Shartnoma iyul oyining oxirida imzolanadi”, — dedi Almazbek Atambayev Moskvaga boʻlgan tashrifi vaqtida.
Dastlabki kelishuvga koʻra, Qambar-Ota GESi qurilishida Oʻzbekiston va Qozogʻiston sarmoyalaridan foydalaniladi.
“Bu borada biz daryoning quyi oʻzanida joylashgan mamlakatlar – Qozogʻiston va Oʻzbekiston bilan birgalikda qaror qabul qilishni istaymiz. Dastlabki kelishuvlarga koʻra, ularning ikkalasi ham bunga rozi», — dedi Atambayev.
Qambar-Ota GESini qurish qiymati, dastlabki hisob-kitoblarga koʻra 3 mlrd. dollarni tashkil qiladi. Dastlab GES qurilishida Rossiya bosh sarmoyador boʻlishi haqida kelishilgan edi, lekin keyinchalik Rossiya ushbu shartnomadan voz kechdi.
Daryoning quyi oʻzanida joylashgan Oʻzbekiston va Qozogʻiston Qambar-Ota GESi qurilishi Oʻrta Osiyoning boshqa mamlakatlari uchun suv tanqisligiga olib kelishi mumkinligi tufayli, unga qarshi boʻlishgan edi.
Atambayevning fikriga koʻra, Rossiyaning «Oʻrta Osiyoning barcha suv resurslariga kalit boʻlgan», Qambar-Ota GESidan voz kechishi — katta xato boʻlgan.
“GES masalalasida men Vladimir Vladimirovichga shunday dedim: bu Rossiya tomonidan yoʻl qoʻyilgan katta xato boʻldi. Bir kun kelib siz buni tushunasiz va taaluqli muassasalar rahbarlarini jazolaysiz”, — dedi Atambayev.
Eslatib oʻtamiz, Alamazbek Atambayev 20-iyun kun Rossiyaga rasmiy tashrif bilan kelgan edi. Tashrif davomida Qirgʻiziston prezidenti Rossiya prezident Vladimir Putin bilan 20-iyun kuni uchrashgan edi.
