O‘zbekiston yetti davlat fuqarolari uchun vizani bekor qiladi

O‘zbekiston 2018-yilning 10-fevralidan 7 mamlakat: Isroil, Indoneziya, Koreya Respublikasi, Malayziya, Singapur, Turkiya va Yaponiya fuqarolari uchun 30 kun muddatga vizasiz tartibni joriy etadi.

Bundan tashqari, O‘zbekistonga doimiy aviaqatnovlarni amalga oshirayotgan xorijiy aviakompaniyalar havo kemalarining ekipaj a’zolari uchun ham vizasiz rejim joriy etiladi. Bu O‘zbekiston Prezidentining «O‘zbekiston Respublikasi turistik salohiyatini rivojlantirish uchun qulay sharoitlar yaratish bo‘yicha qo‘shimcha tashkiliy chora-tadbirlar to‘g‘risida»gi farmonida ko‘zda tutilgan.

Vizasiz tartib amal qilinuvchi davlatlar soni shu bilan 16 taga yetadi. Ani paytda 9 davlat: Ozarbayjon, Armaniston, Belarus, Gruziya, Qozog‘iston, Moldova, Rossiya, Ukraina va Qirg‘iziston fuqarolari uchun 60 kungacha vizasiz yurish huquqi berilgan.

Farmon bilan 10-fevraldan 39 davlat (ro‘yxat — quyida) sayyohlik vizalarini rasmiylashtirishning soddalashtirilgan tartiblarini joriy etish ko‘zda tutilgan. Unga ko‘ra O‘zbekistonga taklif qiluvchi jismoniy yoki yuridik shaxsning murojaati yoki turistik vaucherni TIVga taqdim etish talabi bekor qilinib, vizani rasmiylashtirish muddati hujjatlar qabul qilingan kunni hisobga olmaganda ikki ish kunidan oshmasligi belgilandi. Shunday qilib, soddalashtirilgan viza tartibiga ega davlatlar soni 15 tadan 51 taga ko‘paydi.

Bundan tashqari, farmonda 2018-yil 1-iyuldan elektron kirish vizalarini taqdim etish tizimini joriy etish vazifasi topshirilgan.

Soddalashtirilgan viza tartibi joriy etilgan davlatlar:

Soddalashtirilgan viza tartibi amalda bo‘lgan davlatlar