«Oʻzbekfilm» kinostudiyasiga yangi direktor tayinlandi.
Madaniyat va sport ishlari vazirining sobiq oʻrinbosari Fotih Jalolov kinostudiyaga direktor vazifasini vaqtincha bajaruvchi etib tayinlandi.
Ilgari Jalolov Madaniyat va sport ishlari vazirligining teatrlar va tomosha muassasalari boshqarmasini, «Oʻzbektelefilm» studiyasini boshqargan, uzoq vaqt davomida «Oʻzbekkino» tizimida ishlagan.
Eslatib oʻtamiz, 2016-yil 19-aprelidan buyon «Oʻzbekfilm»ni boshqarib kelgan Hilol Nasimov oktabr oxirida «boshqa ishga oʻtganligi munosabati bilan» direktorlik lavozimidan ozod etilgandi.
