Pop musiqa qiroli Maykl Jekson xotirasiga bag‘ishlab “Maykl Jekson” fan klubi raqqoslari Anvar Vahobov badiiy rahbarligida “Maykl va uning do‘stlari” nomli myuzklga tayyorgarlik ko‘rishmoqda.
Ayni paytda repetitsiya jarayonlari avjida. Ushbu kontsert dasturi “Myuzklga bir qadam” mazmunida o‘tkazilishi rejalashtirilgan.
“Next” ko‘ngilochar markazi bilan hamkorlikda iyun oyi oxirlarida o‘tkazilishi ko‘zda tutilgan mazkur kechada Maykl Jekson ijodidan eng sara namunalar jarang sochadi. Shuningdek, ishtirokchilar tomonidan tayyorlangan ajoyib, o‘ziga xos sahna ko‘rinishlari taqdim etiladi. Maykl Jeksonning kichik muxlisi Nodirbek Saidovdan Maykl Jekson taronalarini ingliz tilida tinglash imkoni bo‘ladi.
