Rossiya prezidenti Vladimir Putin AQShning yangi sanktsiyalarini kontrmahsuldor va bemaʼno, deya hisoblashi haqida maʼlum qildi.
«Sanktsiyalarga keladigan boʻlsak, bu harakatlar kontrmahsuldor va maʼnosiz, ayniqsa, Rossiya singari davlatga nisbatan», – deb aytgan Putin.
Rossiya prezidenti bu haqda Finlyandiya prezidenti Saul Niinistyo bilan boʻlgan muzokaralardan soʻng oʻtkazilgan matbuot-anjumanida gapirgan.
Vladimir Putin Rossiyaning amerikalik hamkorlari qachonlardir bu singari siyosatning istiqboli yoʻqligini anglab yetishlariga umid bildirgan.
Eslatib oʻtamiz, 21-avgust kuni AQSh kiberfaoliyat va KXDR tufayli Rossiyaning qator fuqarolari va kompaniyalariga qarshi sanktsiya kiritgani maʼlum boʻldi.
