2009-yili 12 yil 6 oy qamoq jazosiga hukm etilgan jurnalist Dilmurd Saidov (Dilmurd Said) jazoni o‘tashdan muddatidan ilgari shartli ozod etildi. Bu haqda, Qashqadaryo viloyat jinoiy ishlar sudiga asoslanib, “Gazeta.uz” xabar bermoqda.
Jurnalist JKning 165-moddasi 3 “a” bandi, 228-moddasi 2 “b” bandi bo‘yicha qamalgan edi.
3-fevral kuni Dilmurod Saidov jazo o‘tayotgan jazoni ijro etish muassasasida Mirishkor tuman jinoiy ishlar sudining sayyor yig‘ilishi bo‘lib o‘tdi.
Penitensiar muassasa ma’muriyati juranlistni JKning 73-moddasi 3 “v” bandiga asosan muddatidan ilgari shartli ozod qilish bo‘yicha taqdimnoma kiritdi. Sud taqdimni ko‘rib chiqdi va uni qoniqtirdi.
Dilmurod Saidovning ozod qilinishi AQSh elchixonasi tomonidan olqishlandi.
