Al-Jazira telekanalining xabariga ko‘ra, seshanba kuni Livan Sog‘liqni saqlash vazirligiga tayanib, Isroil tomonidan Livanning g‘arbiy qismidagi Barja shahriga qilingan havo hujumi natijasida kamida 15 kishi halok bo‘lgan.
«Teleradiokanal ma’lumotiga ko‘ra, Isroilning Barja shahriga bergan zarbasi oqibatida kamida 15 kishi halok bo‘lgan», deb xabar qilindi.
Halokatdan zarar ko‘rgan hududlarda qidiruv-qutqaruv ishlari davom etmoqda.
Sentyabr oyi oxiridan beri Isroil janubiy Livanda va Bayrutda “Hizbulloh” guruhini faol ravishda yo‘q qilish bilan shug‘ullanmoqda. Isroil Mudofaa Armiyasi, shuningdek, Livanning janubiy chegaradosh hududida “Hizbulloh” obyektlariga qarshi cheklangan quruqlik reydlarini boshlaganini e’lon qildi. O‘z navbatida, “Hizbulloh” jangarilari Isroil hududiga har kuni raketa hujumlari uyushtirib, nishonlarga qarshi dronlarni ishga tushirmoqda.
