Germaniyaning sobiq kantsleri Gelmut Kol 87 yoshida olamdan oʻtdi, deb xabar qildi Bild.
Nashrga koʻra, Kol Lyudvigsxafen-am-Rayn shahrida joylashgan oʻz uyida olamdan oʻtgan.
Foto: Российская газета
Kol 1982 yildan 1998 yilga qadar Gremaniya Federativ respublikasi kantsleri lavozimida ishlagan. U ushbu lavozimga qatorasiga toʻrt marta saylangan yagona nemis siyosatchisi hisoblanadi. GFRga rahbarlik qilgan davrida Kol Yevropa va Germaniya birlashuvi jarayoniga hamda sovuq urush tugallanishiga ulkan hissa qoʻshgan.
Gelmut Kol — Germaniya tarixiga bagʻishlangan bir necha kitoblar muallifidir. U nemis va xorijiy ordenlar bilan taqdirlangan.
