Tashkilot matbuot xizmatiga koʻra, mazkur chora mamlakat hududiga sovuq havo oqimi kirib kelib, ayrim hududlarda harorat – 25 darajagacha tushishi ortidan tabiiy gaz isteʼmoli hajmi keskin koʻpayishi mumkinligi vajidan koʻrilmoqda.
Hududgaztaʻminot AJ shu munosabati bilan tabiiy gaz birinchi navbatda aholi va ijtimoiy soha obyektlarini uzluksiz ravishda taʼminlashga qaratilishini bildirib, gaz yetkazib berishda ayrim cheklovlar kiritilishini qayd etgan. Ayni paytda kompaniya mazkur cheklov qachongacha davom etishi mumkinligiga aniqlik kiritmagan.
