O‘zbekiston Vazirlar Mahkamasining 3-iyuldagi qarori bilan avtomobil benzini uchun tovon puli miqdori oshirildi, deya xabar berdi “O‘zbekneftgaz” matbuot xizmati.
Qonunchilikka muvofiq, ayrim toifadagi shaxslarga benzin sotib olish xarajatlarining bir qismini qoplash uchun oylik tovon puli ajratiladi. Bularga urush qatnashchilari va nogironlari hamda ularga tenglashtirilgan shaxslar, shuningdek, mehnat jarohati va kasb kasalliklari tufayli I va II guruh nogironlari, bolalikdan I va II guruh nogironlari kiradi.
Bunga qadar ushbu to‘lov miqdori 75 ming so‘mni tashkil etgan bo‘lsa (chakana savdoda eng ko‘p tarqalgan 40 litr tovar belgisi narxining 50 foizidan kelib chiqib, jismoniy shaxslardan yoqilg‘i iste’moli uchun soliqni hisobga olmaganda), ikkinchi chorakda to‘lov 116 180 so‘mni tashkil etadi.
Tovon puli olish huquqiga ega bo‘lgan shaxslar pensiya va nafaqa tayinlash uchun mas’ul bo‘lgan organlarga murojaat qilishlari mumkin.
Benzin uchun tovon puli to‘lovlari “O‘zbekneftgaz” tomonidan moliyalashtiriladi.
