Belgilangan ekologik meʼyorlarga javob bermaydigan transport vositalarining Toshkentda harakatlanishi cheklanadi. Bu haqda Prezidentning joriy yil 2-iyun kuni imzolangan PQ-171-sonli qarorida belgilab qoʻyildi.
Mazkur hujjatga koʻra, poytaxtning 4 ta kirish yoʻl patrul maskanlarida doimiy ekologik postlar tashkil etiladi.
Yaʼni, tunu-kun ishlaydigan postlar:
Uchqahramon;
Erkin;
Sharq;
Bektemir.
Shuningdek, Toshkentda “N-2” (yuk tashish quvvati – 3,5-12,0 tonna) va “N-3” (yuk tashish quvvati 12,0 tonna) toifasiga kiruvchi transport vositalarining harakati tartibga solinadi. Bunda oʻrnatilgan standartlarga javob bermaydigan transport vositalarini kichik avtomobil halqa yoʻli orqali harakatlanishi taʼminlanadi.
