Nyu-Yorkda Frank Sinatra dunyodagi eng buyuk ijrochi deb atagan qoʻshiqchi Toni Bennett 96 yoshida vafot etdi. U 21-iyul kuni ertalab oʻz uyida vafot etdi, deb xabar bermoqda ABC News xonandaning agenti Silviya Vaynerga tayanib.
1950-yillarda rok-n-roll modasi paydo boʻlishidan oldin, Bennett mashhur pop/jazz ijrochisi sifatida tanilgan va sevilgan. Keyin uning reytingi ancha pasaydi, lekin 1970-yillarning oxirida, Amerika Qoʻshma Shtatlariga retro nostalji kirib kelgandan soʻng, xonanda oʻz oʻrnini qayta tiklab oldi.
Bennetning hitlari zamonaviy ijrochilar tomonidan yozila boshlandi.
1994 yilda Bennett Elvis Kostello va KD Lang bilan MTVda jonli albom yozdi, albom Grammy mukofotiga sazovor boʻldi. Keyin Bennett Pol Makkartni, Elton Jon, Jorj Maykl, Selin Dion va boshqa yulduzlar bilan duet yozdi, ular 2006-yilgi Duets albomiga kiritilgan. 80 yoshli musiqachining albomi Billboard 200 reytingida uchinchi oʻringa koʻtarildi.
2014-yilda u Lady Gaga bilan “Cheek to Cheek” qoʻshma albomini chiqardi.
2021-yilda musiqachining oilasi unga 2016-yildan beri Altsgeymer kasalligi tashxisi qoʻyilganini maʼlum qildi. Ushbu tashxis bilan u yana bir necha yil ishlashni davom ettirdi.
Toni Bennet, shuningdek, xayriya ishlarida muntazam ishtirok etgani uchun rassom, Kvins sanʼat maktabi yaratuvchisi, fuqarolik faoli va xayriyachi sifatida ham shuhrat qozongan.
