2017-yil 6-aprel kuni O‘zbekiston Respublikasi Tashqi ishlar vaziri Abdulaziz Kamilov Toshkentga MDH ishtirokchi davlatlari tashqi siyosat idoralari rahbarlari kengashining navbatdagi yig‘ilishida ishtirok etish uchun kelgan Tojikistan Respublikasi Tashqi ishlar vaziri Sirojidin Aslov bilan uchrashdi. Bu haqda vazirlikning matbuot xizmati xabar berdi.
Tojikistonning O’zbekistondagi Elchisi Sodiq Imom ham ishtirok etgan uchrashuv davomida O‘zbekiston-Tojikiston munosabatlarining hozirgi holati va istiqbolli yo‘nalishlari, jumladan MDH doirasidagi munosabatlar muhokama qilindi hamda ayrim xalqaro va mintaqaviy muammolar yuzasidan fikr almashildi.
